Tuesday, January 10, 2017

Mussaafir



Yeh dil bhi ajeeb hai, kabhi apna kabhi paraya
Aap ko kya kahein, iska haal bhi toh aap ne banaya
Itni bebasi hui ki kisi ko kuch keh bhi na sake
Aap to yuhi muskuraa kar chalte he gaye
Hum dil ki bebasi aakhon me liye dekhte hi gaye
Tab tak jab tak aap door gum na ho gaye

Fir kya tha palatna hi pada, aur badna hi pada
sab or dekh kar akele chalna hi pada
Aakhon main yaadein liye har pal liye har gam liye
hum to bas aage or aage badte hi chale
Khamoshi ko apnakar, soch me waqt guzara 
Na koi humsafar na sahara, saath sirf apna bita nazara

Aage kya hoga kise pata, anjam se bekhabar
Lagta hai yaado ke sahare ab hoga baki ka safar
Socha na tha ki sab yu badal jayega, rishta yuh tut jayega
Tumse umeed thi kafi, ab apne aap se mang rahi hu mafi
Tumhara zindagi me aana meri sabse badi seekh
Aa kar kuch pal me chale jana sab kuch thik.

Waqt yeh bhi gujar jayega, naya mode fir aayega
Naya rishta ban jayega, koi toh hume pehchaan payega,
Bina kuch bole, bita pal usme simat sa jayega
Nai kahaani fir likhenge, sunenge, aur kahenge
Har mode ka samna himmat se karenge
Kyoki, aisa bhi to hume aapki doori ne banaya.